LGBT Ngajak Wong Samar

Gobang, sube mekelo merantau, ye megae di warnet, sawireh sube mekelo Gobang sing taen mulih, lantas ye mulih dot metepuk jak memene di Desa.

Neked jumah i Gobang pelekore jak memene, beh memene ngeling ulian tumben bin nepuk panakane ane bagus to

Disubane keto lantas memene i Gobang metakon, ape ane mekade i Gobang sing mulih-mulih

LGBT Ngajak Wong Samar


Meme: Cai nak megae apo ditu adi jeg sing taen mulih?

Gobang: Icang megae di dunia maya mek (nganggo bahasa Indonesia ngomongang gegaene)

Meme: mimih dewa ratu ngajak Maya ditu megae, nyen to maya? bo ngelah kabak cai ditu? pantes bo sing mulih-mulih (ngoel sing karuan)

Gobang: Boee... Maya to nak sing nak luh mek... (konden suud ngomong bo bin memene ngomong)

Meme: Mimih dewa ratu... men keto cai mekabakan ngajak nak muani keto? ngidih olas do cai mekabakan ngajak nak muani, nu bek anak luh... tobat cai tobat... (ngeling goar-goar)

Gobang: (bingung) Aduh... mek.. Maya to sing nak luh, sing nak muani... 

Meme: Dewa ratu... ne bin tawah gati... cai mekabakan ngajak bencong keto? mimih... adi kene nasib tiang ngelah pianak muani aukud... (ngeling nyajaang)

Gobang: (Sing ngidaang ngmong rrrrr) booee... Meme... Maya to sing nak luh, sing nak muani ape buin bencong... arruuhh...

Meme: (nagih pingsan uyeng-uengan sirahne) mimih dewa ratu.. jug nyajaang gelem panake ne... berarti cari sing mulih mekelo ulian  mekabakan ngajak memedi... tong... cai ngenemin memedi tiban-tibanan....

Gobang: nyebak goar-goar... sing ngidaang nyelasang bin...

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel