Ne Kone Kuliner Khas Bali Ane Terkenal

Mungkin be liu anake nawang, terutama ane demen makan di luar. Di Bali bek gati ade dagang nasi, ane asli Bali atau ane uli luar Bali. Ne ade kone makanan khas Bali ulian be terkenal. Makanan tradisional Bali ne, sing je makanan impor ne. Nah pang cai nawang ajak mekejang ne ade lelime makanan khas di Bali ane patut cai tawang.

Nasi Bali Men Weti, dagang nasine be terkenal uli pidan, nasine nak biase dogen sing ade ane spesial. Lokasine di Jalan Segara Ayu Sanur. Warung ne warung nasi biase menune ade betutu siap, sate lilit, urab, be pasih sampai sambel matah ade ditu. Dagange tiap hari rame, anake meli kanti mekelo ngantre mare maan nasi. Hargane sing maal, kira kira 15.000 satu porsi mun cai dot nyoba, do pyaya-pyeye jug langsung ke tkp.

Nasi Jinggo, nyen sing nawang Nasi Jinggo dini? Ajak kejang nawang, adan len nasi jinggo nasi kucing. Nasi jinggo biasane mekaput adi don biu tur mesemat, yen sing misi semat sambrag nyanan, kaputane cenik mun meli besik pasti kuangan makane minimal meli dadue. Apo isin nasi jinggone? Yang jelas nasi misi darang nasi bedik bin misi sambel lalah. Lokasi dagang nasi jinggo liu ade di Ponogoro, Gatsu, bahkan di Kuta jak Seminyak ado masi. Kude ajin nasi jinggone? Mudah cing 3.000 den maan amun dot nambah daso bungkus dadi.

Lawar jak Be Guling, ape buin ne jug do bo takonango, sampai sing nawang Lawar pocol cai lekad di Bali. Jani dagang lawar be guling bek ade di Bali, tapi kadang tiap daerah len len bahane hasil ne masi len. Di Buleleng ade lawar getih bahane jeroan care hati, paru, jantung mecampur getih cair ane meseduh adi lengis bali gembulak. Yen di gianyar len, kacang ijo memem anggone isin lawar. Selain nganggonbe celeng, ado masi lawar be siap, to di Gatsu timur ade dagangne 15.000 aporsi. Ade masi lawar kuwir atau serati. Yen be guling diseluruh Bali patuh bahane celeng ade masi kucit. Biasane tamu Malaysia demen jak be guling.

Nasi Ayam Kedewatan Ibu Mangku, apang jug Ibu Mangku kone sawireh to ane paling terkenal, lokasi be pasti di Kedewatan sing mungkin di Banyuasri. Nak mule saje sube terkenal dagang nasi ayam kedewatan, tamu Bali, tamu Indonesia, Malaysia, Bule jug bek ane nawang. Ape ane adepe ditu? Nasi putih misi be siap mesitsit, misi sate lilit, misi lawar, misi taluh. Bumbune ngangngo base rajang alias sing maintuk tapi metek-tek. Nah mun cai konden taen kemu, dadi coba medaar ditu, tapi ingetang ngabe pipis anggo mayah suud medaar.

Ayam Betutu Men Tempeh, ne bin sik, lenan ken lawar jak be guling, be siap betutu masi makanan khas Bali. Men Tempeh ne terkenal ulian be siap betutu ane lalah. Lokasine di terminal lama pelabuhan Gilimanuk, ditu bo asline men tempeh. Adi bise adane men tempeh, ake sing nawang masi, nak be uling tahun 1976 kone keto adane yen ganti adan takut kone sing ade nak ngugu.

Men engken jani bo nawang makanan khas di Bali ane terkenal di Bali? Nah mun be nawang jani dadi share ke facebook atau twitter atau gebug kulkul banjare dadi masi pang jak liunan nawang, suksma.

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel