Menek Sepeda Melalung di Philadelphia naked bike 2015

Meh ne mare je gegaen adane, biasane anake negak sepeda lengkap nganggo celane, sepatu, baju, kaca mate tur nganggo helm pang aman mesepedaan. Patuh care ake kasal mesepedaan pasti lengkap alate to pang jaan asane mesepedaan.

Ne jug len gati, masak mesepedaan melalung, ade ane nganggo cawet den, mesepatu den ade masi ane seken-seken melalung sing ngango penutup badan. Acarane mesepedaan melalung ne ada di Philadelphia naked bike, ane terakhir bulan Aguatus 2015 ane be lewat.

Sebenehne ape kone tujuanne mesepedaan melalung, yen menurut ake to nak ekspresi tanpa beban, hidupe ne nak patuh ajak mekejang, meski ade kulit warne putih atau agak gelap, yen sube metekep adi baju, mare ngenah bedane, bajune ane medaang.

Lenan ken to, tujuane pang anake negak sepeda diutamakan ken anake negak motor atau mobil pang ye sadar yen tubuh pesepeda to rapuh, sing care mobil ade air bag yen kecelakaan. Yen negak sepeda ulung jug langsung aspale diman.

Jaman ipidan di Bali masi bek ade nak sing mebaju, Luh ato Muani sing ade mebaju, cuma nganggo kamben den, makane bek ade potrekan jaman ipidan anak luh nyonyone ngenah. Ade dokter uli jerman adane Gregor Krause sekaligus dadi fotografer sekitar tahun 1920, ye be ane bek motrek anake Bali.

Tapi disubane jaman kemerdekaan, be mulai anake luh nganggo baju, nekepin tangkahne pang sing ngenah nyoyone megelayutan, entah uling tahun kude kaden be mulai mekejang nganggo baju.

Nah pang ade bukti, nyen jumahne nu ngelah dadong? Coba takonin dadonge jumah seken ape sing ade keto, coba sekali-kali perhatiang dadonge pasti taen hari hari biase sing mebaju pasti kamben den anggone.

Ne nak sing membahas masalah porno ne membahas masalah sikap dan mental yen ade ane ngoraang ne porno, jeg pasti be otak jaruh den abane, nah yen ade pelih jug aksamayang den malu, suksma.

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel