Makanan Khas Bali Adane?

Om Swastyastu, kadung ningalin gambar lawar, dadi inget ugase nu SD, waktu to ade ulangan tulis, yen sing pelih waktu to ulangan mata pelajaran Penjas. Waktu to gurune ngae pertanyaan lisan trus tulisq malu petakone to mare trus jawab, sube suud nyawab maro kumpulang kertas ulangane.

Waktu to nu inget gati jak soale, kene soalne, "Apa makanan khas dari Bali? Jug sing bakat banang nyawab waktu to, sajaan otatake buntu, padahal be bange klu abesik, huruf depane L, sing masi ngidaang nyawab. Trus bin bange klu, jumlah huruf ne lelima, nah apo jo to? Ulian soale makanan, ake mikir jawabane pasti jaje, jug bakat jaje lapis anggo nyawab.

Yen waktu to soale nganggo kata masakan, bise bakat banang nyawab, ternyata jawabane jug Lawar, duh beloge megandong kene be, dedaaran sai tepuk pidan sing bakat banang nyawab, lek gati waktu to.

Nah jaman jani be mekejang aluh, dot naar lawar tinggal meli di warung, dot naar be guling tinggal meli di dagang nasi be gulinge.

Nah jani pang care awake, melaang gagi nyage warisane ane sube ade uli pidan, care makanan lawar bise gen masi lakar punah ulian sing generasi penerus ane bisa dadi Patus. Nah monto malu nutur pang sing enggalan masem laware, mai makan alu. Om Santhi, Santhi, Santhi Om.

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel