Leh Bernostalgia Malu Kejep

Hello, ken-ken kabare generasi 90an saget nu ade inget dugase cenik, apo den hiburane apo den palianan ne waktu nu cerik, terutama waktu nu masuk SD, jug pasti liu ngelah palianan, ane luh atau ane muani kadang nak bise mepalianan bareng.

Dugase ipidan jaman nu jadul konden ade plalianan ane digital care jani, care Play Station, PSP, HP canggih, mekejang sing ade, tipi awake sing ngelah, ade pisagane ngelah tipi nu hitam putih siarane nu TVRI den. Pokokne jeg seru anak generasi 90an to.

Kel coba malu inget-inget apo den jo palianan waktu nu cerik, asane nak bek ade. Pertama palianan ane disekolah ajak timpale, pas jam istirahat, ulian ake nak muani, dadine pelalianan anak muani den malu nah. Selodor-selodoran, main pegok, main tik, main engkeb-engekeban, main apolo-apoloan, main santal, apo bin nah. Ane luh biasane main karet, main engkleng-engklengan, main cingklak adi guli atau bekel main apo bin nah?

Nah jani pelalian ane diluar sekolah, pidan biasane main gambar kadang ade ane celih cematune metemplek, main karet gelang, main guli, main santal mbung tekep bir mbung tingkih mbung batun salak, main plok-plokan, main gamebot nyewa di mas ane keliling. Apo bin nah, sin perlu bin jelasang apo permainane to asane mekejang nawang.

Nah jani masalah acara di tipine, ipidan waktu nu cerik ado TVRI den, hari minggu biasane ade Si Unyil, ade acara Ria Jenaka, ade acara musik Album minggu, ipidan asane di TVRI ade pelem kartun jepang Dash Yonkuro tentang balapan motor 4WD atau tamia. Ipidan ado masi acara musik manca negara atau manca gita, pelem Zorro, apo bin nah cobak tulungin ngingetang.

Ipidan yen hiburan radio ade sandiwara nyi pelet ane terkenal madan Restu Singgih, Nilam Cahya, Rotama, Nyi pelet jurus andalanne jaran goyang, Jail Singgih, nyen bin nah, engsap nok.

Lenan ken acara di TVRI pidan be ade masi tipi swasta, tapi wah bedik anake ngidaang ngelah, ipidan inget gati di RCTI ade pelem anak Power Rangger, ade pelem Satria Baja Hitam, to den ane paling inget, apo bin nah? Amun ade ane inget coba tulis dikomentar, nyanan kel tambahin bin dini.

Asane anake cenik jani nu je ade nak mepalianan keto o? Jani nak bo bekan main PS main di HP ne. Nah lamun dot nostagia ne ade gambar bedik, kanggoang nah, suksma.

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel