Jero Mangku Budhi Dharma Saking Australia

Ipidan nak bo taen ningalin potrekan ne, tapi nak sing percaye ken potrekane ne, masak bule dadi pemangku, paling potrekan palsu to, olahan photoshop to. Ne jani ake mare percaye sawireh maan mace beritane di twitter, nawang cai twitter? #hahaha

Jero Mangku Budhi Dharma asline saking Australia pasengan asline nike Ian Fiddes, Jero Mangku sampun meneng ring Baili sampun 20 warsa. Sane mangkin Jero Mangku meneng ring Banjar Bone Kelod, Desa Bone, Kecamatan Blahbatuh, Gianyar, Bali.

Jero Mangku sampun sesai muput karya ring Bone, kadang Jero Mangku nangkil ke Australia muput karya sane kepemargiang olih umat Hindu sane meneng ring Melbourne Australia.

Potrekane ne kayakne be mekelo, Jero Mangku nu agak mokohan, jani be agak tua pipine be agak pecok bedik. Nah monto malu infone, jug sing bise basa Bali alus nok, yen wenten iwang tolongin barengin menain, tiang nak nu melajah ne. Suksma.

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel