Jambret Beraksi di Anturan

Ne ade berita masalah jambret, waktune kan be ade kejadian di Banyuning, ane jani bin ade kejadian, nak uli Sidatapa, Kecamatan Banjar ane jambrete, kejadiane di paak Desa Anturan jalur Singraja-Seririt pas di mukak kampus Mapindo.

Adan anake ane jambrete to Ibu Linda pegawai Rumah Sakit Parama Sidhi. Kejadiane hari jumat (11/9) sekitar jam 23.45 Wita. Kejadiane Ibu Linda sing sadar bahwa ade nak nutug uli duri ngabe motor vario, uli kangin terus tutuge sampai di mukak Mapindo, tas ne Ibu Linda gerebede jak jambrete, akhirne Ibu Linda ulung ke jalane, jambrete langsung kabur beneng kauh ke arah Lovina.

Ibu Linda mekeraikan, akhirne dingehe jak satpam Volcano adane Putu Robin Adnyana pas sedeng lewat waktu to. Ibu linda abane ke tengah kampus ditongose ane galang, tingaline ade tatu ane parah di jagutne Ibu Linda, akhirne Robin ngajak Ibu Linda ke rumah sakit Parama Shidi pang maan ubad.

Sekedar saran, untuk Ibu atau cewek ane negak motor matic, motor matic to kan ade bagasi ane gede, jani dadi tase jang di bagasi ne de selempange, pang sing menarik perhatian jambret. Yen be tawange sing ngabe tas ape men kal jambrete? Intine waspada nak dijalane adane sing tawang masi, tapi yen be waspada kemungkinan ane paling jelek ngidang ngindarin. Disamping to de pesan engsap maturan atau berdoa sekonden mejalan, nah monto malu, suksma.

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel