Masak Meme ne Batbate di Facebook

Tumben nepuk ane kene, ade nak luh ngae status di facebook isinya gedeg jak memene ulian merikse isin lemarine. Ne pasti kejadiane di Bali sawireh bahasane nganggo bahasa Bali.

Cang sing ngerti jak jeleme model kene, kok tega memaki memene care keto, alasane sepele ulian merikse isin lemarine, trus panakne sing terime, langsung ngae status di facebook.

Adane dogen nak tua pasti dot nawang ape den gaen panakne, ape buin panak luh, keweh nyage panak luh. Setiap nak tue pasti dot panakne melaksana luung.

Coba pikir, wajar sing nak luh matbat memene care keto? Asane jak kejang sing setuju yen ade nak luh keto. Sosial media kadang nak memang tongos curhat, tapi pilihin masi ane cen pantes ane cen sing pantes posting di facebook.

Yen masalah keluarga, luungan omongang jak nyamane, do postinge di facebook pang sing mekejang anake nawang. Yen ade nak sing demen kan aluh anake ngomporin, kan bahaya yen keto tok.

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel